Luleå Teknologia Unibertsitateak industriarako automatizazio eta digitalizazio soluzioen garapenaren inguruko Europako proiekturik handiena koordinatuko du. ARROWHEAD Tools 91 milioi euroko aurrekontua eta 81 parte-hartzaile ditu, besteak beste, Europako enpresa handienetako batzuk (Volvo, Bosch eta Philips).
Arrowhead Tools hiru urteko proiektuaren helburua ingeniaritzako tresnak sortzea da Europako industriaren digitalizaziorako eta automatizaziorako soluzio berriak sortzeko. Tresna hauekin, gaur egun IT eta teknologia operatiboaren arteko integrazioa zailtzen duen hutsunea beteko da, horrela gauzen Internet bidez sistema handiak eraiki ahal izango dira. Teknologia hau eskuragarri egongo da Arrowhead Framework kode irekiko plataforma baten bidez.
"Arrowhead Tools-ek automatizazio eta digitalizazio soluzio malgu eta seguruen garapen eta sarrera kostuak % 25-60 ean murriztea espero da. Hori dela eta, Europa lehiakorragoa izango da eta enplegu berriak eta negozio aukerak sortuko ditu ", Jerker Delsingen esanetan, Luleako Teknologia Unibertsitateko Industria elektronikako irakasleak eta Arrowhead Tools-eko koordinatzaileak.
Proiektuan, automobilgintza, meatzaritza, elektronika eta software industrietako 53 enpresak parte hartzen dute. Plataforma eta erremintak industriako 22 kasutan probatuko dira. Arrowhead Toolsen helburu garrantzitsu bat digitalizazioan eta automatizazioan estandarrak sortzea da, elkarreragingarritasuna barne.
Irakurri gehiago Arrowhead Toolsen inguruan: http://www.arrowhead.eu
